Претседателот на Барселона, Жоан Лапорта, официјално потврди дека шпанскиот фудбалски клуб го достигнал таканареченото правило 1:1 во финансискиот фер-плеј – важен чекор што им овозможува на Каталонците да вршат трансфери без дополнителни ограничувања, сè додека тие се вклопуваат во целокупното ограничување на трошоците, објавува „Мундо Депортиво“.

Истиот извор пишува дека Барса која минатата сезона ја освои титулата и Купот на Шпанија, ќе може да го потроши секое евро за тимот откако ќе заштеди секое евро од платите на играчите кои го напуштија клубот.

– Можеме да бидеме „1:1“ во системот за фер-плеј. Го постигнавме ова благодарение на многу труд и вашата помош. Сега сме „1:1“. Затоа го потпишавме Дани Олмо. Се соочивме со многу тешкотии. Ова ни овозможува да склучуваме договори како и обично. Сигурно ќе можеме да потпишеме со друг играч кој нè интересира. Сега имаме нормални односи со Ла Лига и мислам дека ќе можеме да објавиме нови трансфери – рече Лапорта.

Претходно во среда, Барселона го објави своето прво летно засилување во форма на голманот Жоан Гарсија од Еспањол, кој беше донесен за 25 милиони евра.

Исто така најновите информации се дека Нико Вилијамс од Атлетик Билбао е блиску до трансфер и наскоро треба да пристигне на „Камп Ноу“.

🚨 Barça president Joan Laporta: “We can sign players normally and are in the 1:1. We are about to make an imminent signing and are working on another”. pic.twitter.com/hlVEGjisvA

— Transfer News (@TransferNe92127) June 18, 2025