Петмина британски пратеници ја добија потребната поддршка за да можат да се кандидираат за должноста претседател на Лабуристичката партија и да го наследат Џереми Корбин, со што ќе добијат можност да ја обноват партијата која на парламентарните избори доживеа тежок пораз од конзервативците предводени од Борис Џонсон, соопштија лабуристите.

Само еден кандидат, Клив Луис не доби поддршка од 22 парламентарци, па се откажа од трката.

Најголеми шанси имаат Ребека Лонг-Бејли (40) и Кеир Стармер (57).

Лонг-Бејли ја сметаат за природен наследник на Корбин, кој е краен левичар, а беше критикуван поради неговиот радикализам и одбивањето  да се изјасни за Европската унија во предизборната кампања.

Кери Стармер, еурофил, во последните три години во Лабуристичката партија беше задолжен за Брегзит. Поранешниот главен обвинител во Англија и Велс редовно се користеше за критикување на конзервативната влада.

Кандидатите кои ја поминаа селекцијата до 14 февруари треба да добијат поддршка од 5 отсто од месните одбори на партијата или од организации, меѓу кои барем два синдикати блиски до Лабуристичката партија.