Квалификации за СП 2023: Србија прокоцка предност од 14 поени и на крајот загуби од Белгија
Кошаркарите на Србија се поразени од Белгија со 73:69 во второто коло во квалификациите за пласман на Светското првенство 2023 година.
Препорачано
Српските кошаркари беа подобар противник во првото полувреме, но во последната четвртина Белгијците успеаја да направат пресврт и на крајот да слават над фаворитот.
Првите поени ги постигнаа домашните кошаркари, но Србија со две мини серии од 0:5 и 0:6 поведе со 7:13 и имаше контрола во првата четвртина која ја добија со 13:21. Во втората четвртина Србите беа подобар противник и дојдоа до +14 (22:36), а на одмор заминаа со 29:41.
Во второто полувреме Белгијците заиграа далеку подобро, успеја по 30 минути игра да дојдат до едноцифрена негатива (54:63), а последната четвртина ја започнаа со серија од 12:2 и по поените на Мвема за прв пат поведоа до 66:65 на три и пол минути до крајот. До крајот на натпреварот екипите се менуваа во вофство се до последната минута кога Србите не реализираа два напади и Белгија дојде до голема победа.
Ван Росом со 20 поени беше најдобар кај Белгија каде се истакна и Бако со 14 поени, 11 скока и 5 асистенции. Кај Србија 19 поени постигна Аврамовиќ, 16 поени додаде Петрушев, додека Теодосиќ имаше учинок од 14 поени и 8 асистенции.
Селекцијата на Грција ја домашен терен со 77:67 ја совлада Белорусија во групата Б и се извади за поразот од Велика Британија во првото коло.
