Денеска во првиот натпревар од првото квалификациско коло во Лигата на шампионите фудбалерите на Струга загубија на гостински терен против Слован Братислава со 4:2.

По првото полувреме словачкиот шампион водеше со 2:0, стрелци на головите беа Вајс во 16 и Мак во 36 минута.

Македонскиот првак успеа да намали во 55 минута од пенал кој го реализираше Ибраими, а истиот играч го израмни резултатот во 74 минута.

Ова беше добар резултат за играчите на Ќатип Османи сѐ до 85 минута кога домаќините ја вратија предноста преку Куцка.

До крајот на средбата во Братислава уште еднаш беше затресена мрежата на нашиот претставник, конечниот епилог го постави Куцка во судиското надополнување (90+1`) со својот втор гол на мечот.

Реваншот меѓу Струга и Слован ќе се на 17 јули на стадионот „Билјанини извори“ во Охрид со почеток од 17.00 часот.