Квалификации ЕП 2025: Србија е пресилна за најдобрите македонски кошаркарки
Женската сениорска кошаркарска репрезентација на Македонија го забележа о вториот пораз во квалификациите за Евробаскетот во 2025 година. Вечерва во СРЦ „Кале“ во Скопје, репрезентацијата на Србија во целост ја потврди фаворитската улога и стигна до убедлива победа (103:60), втора за нив во овој ноемвриски ФИБА „прозорец“.
Препорачано
Имавме почетни 6:4, но гостинските кошаркарки реализираа 10 поени по ред, за нивно водство од 14:6, по што селекторот Ашаданов по нешто повеќе од пет одиграни минути, беше приморан да го побара првиот тајм-аут на натпреварот. Без особен ефект, од причина што фаворитот притисна уште повеќе, и до крајот на првиот период се одвои на високи 30:12. Имавме дури 11 загубени топки за 10минути, што резултираше со така високо водство за Србија уште во воведниот дел од мечот.
Во втората четвртина се ослободивме, макар и делумно, од притисокот, стигнаа и реализациите, но српските кошаркарки успеваа да ја одржат предноста (се движеше од 15 до 17 поени). Париравме на високата постава на гостинската селекција и во скокот. Не дозволивме, како што тоа беше случај на претходниот меч во Португалија, скокачка доминација на Србија. Сепак, на средина од овој дел од играта, Србија поведе со 41:20, а на пауза да замине со 51:28.
Тргнавме многу поефикасно во третиот дел од играта, видливо беше тоа и во резултатот. Поентерски некако му париравме на поквалитетниот ривал, кој од друга страна држеше висока резултатска дистанца. Тоа беше и најефикасниот период во играта на нашата селекција, но недоволно за да се размислува за некое „враќање“, едноставно кажано, квалитетите на на српската репрезентација не го дозволија тоа. По три одиграни четвртини, Србија беше уште „подалеку“, водеше со 79:46, но веќе се беше јасно после првиот дел.
Капитенот на македонската селекција Митрашиновиќ го заврши овој натпревар со 23 поени (плус шест додавања и пет скока), Хемпе даде 13 поени (плус и осум скока и две асистенции). На спротивната страна доминираше Дугалиќ со 17 поени, додека Андерсон реализираше 14 (шест асистенции).
КВАЛИФИКАЦИИ ЗА ЕВРОБАСКЕТ-ЖЕНИ 2025
ГРУГА „Г“
РЕЗУЛТАТИ 2 КОЛО
Украина – Португалија 63:78
МАКЕДОНИЈА – Србија 60:103
ТАБЕЛА
1.Србија 2 2 0 182:40 4 бодови
2.Португалија 2 2 0 143:115 4
3.МАКЕДОНИЈА 2 0 2 52:165 2
4.Украина 2 0 2 103:160 2
ИДНО КОЛО (7 НОЕМВРИ – 2024)
МАКЕДОНИЈА – Украина
Србија – Португалија
