Косовскиот премиер Аљбин Курти денеска на предизборен митинг вети дополнителни одбранбени и безбедносни трошења вредни една милијарда евра, главно на американско оружје.

За време на своето обраќање на предизборниот митинг во Феризај (Урошевац), косовскиот премиер ги потврди претходните шпекулации за набавка на оружје и воена опрема за Косовските безбедносни сили.

Курти, исто така, посочи дека претходните трошоци за одбрана изнесуваат повеќе од 600 милиони евра, заедно со неколку капитални проекти.

„Во меѓувреме, инвестиравме 600 милиони во безбедноста со купување на противтенковски системи Javelin, беспилотни летала „Бајрактар“ и хеликоптери Black Hawk, отворивме фабрика за муниција и ќе инвестираме милијарда евра во нашата безбедност“, рече Курти.