Косово секогаш може да смета на поддршката од Грција за приклучување кон „големото европско семејство, кое е најдобар гарант за мирот и безбедноста, како и за демократијата и благосостојбата“, напиша косовскиот премиер Албин Курти на Твитер по посетата на Никос Дендиас во Приштина.

Курти оцени дека Грција ја поддржува либерализацијата на визите за граѓаните на Косово, европските интеграции и целосната нормализација на односите меѓу Косово и Србија.

Today I welcomed ?? MFA @NikosDendias on his 6th visit to Kosova. We enjoyed our working lunch as much as our cordial conversation. Bilateral relations between our two countries are better now than ever before, and we are both committed to building even closer and deeper ties. pic.twitter.com/pkvLqbIzoq

— Albin Kurti (@albinkurti) March 12, 2023

„Разговаравме за билатералните односи меѓу Косово и Грција, како да ги подобриме во сите сфери, но разговаравме и за настаните во регионот, вклучително и дијалогот меѓу Косово и Србија, кој ќе продолжи на средбата на високо ниво следната сабота во Охрид, Северна Македонија“, пишува Курти.

I was hosted today for a lunch by Kosovar PM, A.Kurti in #Pristina. Exchange of views on developments in the Belgrade-Pristina Dialogue and #WesternBalkans ?? path. pic.twitter.com/Zz3pHatyBh

— Nikos Dendias (@NikosDendias) March 12, 2023

Дендиас, кој шести пат е во посета на Косово, претходно оствари средба со претседателката на Косово, Вјоса Османи, а посетата ќе ја заврши на средба со вицепремиерката и шефица на дипломатијата на Косово, Доника Гервала.