Корисничка со прекар u/vequixr89 на 13 септември објави фотографија од својот „плен“ во групата r/ThriftStoreHauls. За кусо време објавата собра повеќе од 2800 гласови и стотици коментари од воодушевени следбеници.

На фотографијата се гледа препознатливата „Ермес“ свилена марама со цветен дезен во розови, црни и сини тонови, со етикета што потврдува дека е произведена во Франција.

„Ова денес го најдов за 1,25 долари на распродажба на имот. Едвај чекам да ја носам! … Ермес шал: 1,25 долари … не можев да поверувам“, напиша таа покрај фотографијата.

Вредност што се мери во илјадници долари

Препознатливиот дезен и името на брендот веднаш го привлече вниманието на познавачите на винтиџ мода, кои започнаа дискусија за потеклото и вредноста на марамата.

„Доста сум сигурен дека е од 1985 година. И таа година тоа било реиздание од педесеттите, верувам. Но прилично сум сигурен, според староста на сè друго, дека е од 1985“, напиша тој.

Друг следбеник се вклучи со проценка на пазарната вредност, истакнувајќи дека „нашол иста марама на луксузна страница за препродажба за повеќе од 1000 долари (околу 857 евра)“.

Марамите на „Ермес“, познати по деталните дезени и свилата од врвен квалитет, одамна се ценети колекционерски парчиња. Тие ги дизајнираат уметници и често се издаваат во ограничени серии, поради што постарите модели на пазарот на половни предмети можат да достигнат цени од стотици, па и илјадници долари.

Hermes scarf: $1.25… could not believe it.
byu/vequixr89 inThriftStoreHauls

Лавина позитивни коментари

Да се најде вакво парче за само 1,25 долари е вистинска реткост. Објавата собра пофалби не само за неверојатната зделка, туку и за остриот поглед на среќната купувачка.

„Еден од поубавите дизајни што сум ги видел тука, честитки за шамијата“, напиша еден коментатор.

„Неверојатна убавина“, додаде друг, додека трет духовито порача: „Честитки, многу сум среќен за тебе, не вријам од љубомора“.

Еден корисник дури понуди и корисен совет: „Прекрасна е. Ако ја пеглате, немојте да ги сплескате рабовите. Повеќе вредат кога се заролани. Извор: видео на некоја госпоѓа што продава винтиџ Ермес шалови. Мислам дека е во Франција“.