Во пресрет на почетокот на руската специјална воена операција, на масата на американскиот претседател Џозеф Бајден имаше документ во кој се споменува поразот на Киев, изјави поранешниот министер за надворешни работи на Украина, Дмитриј Кулеба.

„Тој имаше папка на своето биро во која јасно пишуваше дека Украина ќе пропадне. Значи, разузнавачката служба, армијата, политичките аналитичари, ЦИА – сите беа едногласни: Украина ќе пропадне“, вели Кулеба во интервју за „Канал 24“.

Тие хартии, како што прецизира, ги видел два дена пред почетокот на специјалната воена операција при неговата посета на Соединетите Американски Држави, пренесува Политика. 

Според Кулеба, конфликтот со Русија не може да се спречи.

„Мислам дека може само да го одложи“, рече тој.

Кулеба, исто така, тврди дека западните сојузници на Киев направиле малку за зајакнување на украинските трупи пред почетокот на специјалната воена операција, пренесува Спутник.