На забава по повод Ноќта на вештерките во Илиноис дошло до пукање во кое загинале две лица, а повеќе од десет се повредени. Ова е само едно од 11-те масовни престрелки во САД за време на викендот за Ноќта на вештерките, во кои загинаа 12 лица, а 52 беа повредени, јавува Си-Ен-Ен.

За време на пандемијата, бројот на престрелки во САД дополнително се зголеми. Досега годинава имало 599 вакви инциденти. Имаше 611 во 2020 година и 417 во 2019 година. Пукањата се случија во седум американски држави на домашни забави, вклучително и на боксерски настан и на улиците.

Илиноис

На забава по повод Ноќта на вештерките во Илиноис две лица загинаа, а 12 беа повредени. Повеќе од 100 посетители побегнале на улица. Пукањето се случило зад пултот за диџејот, поставен во дворот на приватен имот. Сведоците им кажале на детективите дека две лица биле застрелани во толпа од 200 луѓе.

Колорадо

Во Колорадо две лица биле застрелани, едното починало на лице место, а другото им подлегнало на повредите во болница. Уште две лица се повредени и пренесени во болница.

Кентаки

Во Кентаки дошло до пукање во близина на бензинска пумпа по расправија. Две лица загинаа, а две се повредени. Според локалната полиција тие се на дваесетина години.

Тексас

Две лица загинаа, а 12 се повредени во две одвоени престрелки во Тексас. Истрелите одекнале на приватна забава каде пукале во осумнаесетгодишник. Во престрелка на друга приватна забава загина 20-годишен маж.

Калифорнија

Исто така, три лица загинаа, а осум се повредени на приватни забави во Калифорнија.

Флорида

Инцидент имаше и на боксерски настан во Флорида. Меѓу двете групи настанала расправија и одекнале неколку истрели. 21-годишник им подлегнал на повредите.

Оклахома

Во Оклахома, пак, пукале на улица, нема загинати, а четири лица се повредени.