Потсетување дека по високиот пораз од Грузија (5:2), бугарскиот селектор Јасен Петров си поднесе оставка, а негов наследник е српскиот стратег Младен Крстајиќ.

Денеска Крстајиќ ги објави имињата на играчите на кои ќе смета за претстојните натпревари во Лигата на нации против Гибралтар во Разград на 23 септември и три дена подоцна во Скопје против Македонија.

Составот на бугарската фудбалска репрезентација –

Голмани: Даниел Наумов (ЦСКА 1948), Светослав Вуцов (Славија Софија), Иван Дјулгеров (Черно море);

Одбрана: Валентин Антов (Монца), Петко Христов (Специја), Пламен Галабов (Макаби Нетања), Христијан Петров (ЦСКА Софија), Виктор Попов (Черно море), Иван Турицов (ЦСКА Софија), Антон Недјалков (Лудогорец), Матео Стаматов (Оренбург);

Среден ред и напад: Илија Груев (Вердер Бремен), Иван Јорданов (Лудогорец), Јанис Карабелиов (Кишварда), Филип Крастев (Левски Софија), Илијан Стефанов (Левски Софија), Никола Илиев (Интер), Марин Петков (Левски Софија), Јоан Стојанов (Хапоел Бер Шева), Георги Русев (ЦСКА 1948), Кирил Десподов (Лудогорец), Радослав Кирилов (ЦСКА 1948), Мартин Минчев (Спарта Прага).

По четири кола во групата „4“ од Лигата на нации води Грузија со 10 бодови, пред Македонија која има седум, трета е Бугарија со три, а последен е Гибралтар со еден бод.

На првиот меѓусебен дуел одигран во Разград на 2 јуни годинава ремизираа репрезентациите на Бугарија и Македонија (1:1).