Крос: Мојата кариера како активен фудбалер ќе заврши летово по Европското првенство
Фудбалерот на Реал Мадрид, Тони Крос на крајот на сезоната ќе стави крај на кариерата. Германецот има само 34 години, но бидејќи не сака да игра во друг клуб освен во Реал Мадрид, ќе ги закачи копачките кога ќе заврши Европското првенство 2024 што се организира токму во неговата земја од 14 јуни до 14 јули.
Препорачано
Иако во последните месеци се шпекулираше дека тој наскоро ќе потпише нов едногодишен договор со шпанскиот клуб, тоа нема да се случи.
До крајот на сезоната Реал го чека последниот натпревар во „Ла Лига“ против Бетис на домашен терен, како и финалето од Лигата на шампионите против Борусија Дортмунд, што ќе биде последен меч кој Германецот ќе го одигра во „кралскиот“ дрес.
? BREAKING: Toni Kroos RETIRES.
He’s leaving Real Madrid and retiring right after Euro 2024.
Legend. ?✨ pic.twitter.com/OwfQEy5GD5
— Fabrizio Romano (@FabrizioRomano) May 21, 2024
До сега за Реал Мадрид запиша 463 натпревари, на кои постигна 28 гола и забележа дури 98 асистенции.
– 17 јули 2014 година, денот на моето претставување во Реал Мадрид, денот кој ми го промени животот, како фудбалер, но особено како личност. Тоа беше почеток на ново поглавје во најголемиот клуб во светот. По 10 години, тоа поглавје завршува на крајот на сезоната. Никогаш нема да го заборавам тоа успешно време. Би сакал да им се заблагодарам на сите кои ме пречекаа со отворено срце и ми веруваа. Посебно би сакал да ви се заблагодарам, драги мадридисти, за вашата посветеност и љубов од првиот ден до последниот.
Воедно, оваа одлука значи дека мојата кариера како активен фудбалер ќе заврши летово по Европското првенство. Како што секогаш сум велел: Реал Мадрид е и ќе биде мојот последен клуб. Среќен сум и горд што во размислувањето го најдов вистинскиот момент за одлука и што можев сам да го изберам. Мојата амбиција отсекогаш била да ја завршам кариерата на врвот на мојата игра. Отсега има само една мисла водилка: Одиме на 15-та титула во ЛШ! – објави Крос.
