Фудбалскиот клуб ПСЖ го смени досегашниот тренер Кристоф Галтие, пренесува францускиот медиум „Паризиен“.

Галтие го презеде ПСЖ на 5 јули минатата година, а го водеше клубот од Париз на 56 натпревари. Изворот пренесува дека спортскиот директор на клубот Луис Кампос имаше разговор со Галтие и му рекол дека нема да ги води „светците“ во следната сезона.

Сезонава го освои шампионатот во Франција. ПСЖ беше елиминиран од Баерн во осминафиналето на Лигата на шампионите, а во осминафиналето на националниот Куп од Олимпик Марсеј.

Не успеа да се наметне како авторитет на бројните ѕвезди во клубот, поради што во текот на сезоната имаше многу проблеми со некои фудбалери на клубот од Париз.

Клубот наскоро треба да објави официјално дека договорот со Галтие е раскинат. Пред ПСЖ во тренерската кариера ги водеше и екипите Ница, Лил и Сент Етјен.