Португалскиот фудбалски репрезентативец Кристијано Роналдо не сака да остане во Манчестер јунајтед, а клубот од „Олд Трафорд“ не планира да го задржи во клубот, пренесува американската телевизиска мрежа „И-Ес-Пи-Ен“.

Американските медиуми наведуваат дека Роналдо тешко ќе го реши проблемот со Манчестер јунајтед, бидејќи нема ниту една понуда за продолжување на кариерата.

Португалскиот фудбалер наводно имал понуди од Баерн, Челси, Дортмунд, Атлетико, Наполи и неименуван клуб од Саудиска Арабија во текот на летниот преоден рок, но сите овие информации подоцна се покажале како неточни.

Роналдо влезе во последната година од договорот со англискиот клуб, а на крајот од сезоната ќе стане слободен играч. Горенаведениот извор наведува дека на почетокот на следната година би можел да го раскине договорот со „црвените ѓаволи“.

Менаџерот на Јунајтед, Ерик тен Хаг го суспендираше Роналдо, бидејќи одби да влезе во игра на крајот од мечот со Тотенхем во 12 коло од Премиер лигата.