Неповторливиот Роналдо, кој на 5 февруари ќе наполни 41 година, и понатаму ја тресе мрежата и делува дека повеќе не е прашање дали ќе стигне до 1.000 голови, туку кога.

Во големото дерби на саудискиот фудбал помеѓу Ал-Итихад и Ал-Наср, Роналдо го постигна својот 805. гол во клупска конкуренција, односно 946. во кариерата со националниот тим.

Капитенот на Ал-Наср во 35. минута покажа дека чувството за погодок не бледнее – се најде на вистинското место по центаршутот на Садио Мане и ја проследи топката во мрежата на совладаниот Предраг Рајковиќ.

Пред тоа, токму Мане го отвори резултатот со погодок по одличната асистенција на Кингсли Коман, носејќи им предност на гостите од Ријад во Џеда.