Досегашниот напаѓач на фудбалскиот клуб Брера Струмица, 24 годишниот Кристијан Велиновски официјално направи трансфер во Сумгаит од Азербејџан.

Станува збор клуб кој се натпреварува во тамошната Прва лига и по четири првенствени кола има две победи, еден пораз и едно ремии се наоѓа на четвртата позиција на табелата со меч помалку од останатите екипи.

Азербејџанскиот прволигаш кој тежи околу шест милиони евра, плати обештетување за преминот на Велиновски во нивните редови при што се договорени и процентите за евентуалните следни трансфери за македонскиот прволигашки клуб.

Во АП Брера Струмица дојде на 16 годишна возраст во младинскиот погон, контуинирано напредуваше со својата игра и од 1 јануари 2018 премина во сениорскиот состав. По одиграна една полусезона за Брера Струмица беше една година на позајмица во Брегалница од Штип на една година.

Велиновски кој беше стандарден првотимец, за шестте натпреварувачки сезони во Првата лига во дресот на Академијата сега АП Брера Струмица има одиграно 113 првенствени и куп натпревари при што постигна 15 гола, а имаше и 14 асистенции.