Ако барате рецепт за зачинета супа од тиква, пробајте егзотична верзија која користи тајландска кари паста за мирисна арома, кокосово млеко за да ја направи кремаста и црвена леќа за дополнителна доза на протеини. Можете да го замрзнете вишокот супа и слободно да ја подгреете кога ви треба брз ручек или вечера. Послужете ја супата со семки од тиква и пржени коцки леб.

Состојки:
1 главица кромид
3 чешниња лук
1 парче ѓумбир (околу 2,5 см)
3 супени лажици маслиново масло
2-3 лажици тајландски кари паста
350 г тиква од морско оревче исчистена и исечкана на коцки
2 лажички сол
1/2 лажичка свежо мелен црн пипер
200 г црвена леќа
1,5 л супа од зеленчук
400 мл незасладено кокосово млеко
1 средна лимета
потпечени семки од тиква
пржени коцки леб

Подготовка:

Кромидот, лукот и ѓумбирот ситно исечкајте ги.

Загрејте 3 лажици маслиново масло во големо тенџере на средна топлина, потоа додадете го кромидот и повремено мешајте додека не омекне, 3 до 5 минути.

Додадете го лукот и ѓумбирот и пржете колу 30 секунди.

Додадете ја тиквата, пастата од кари, солта и црниот пипер, добро измешајте и пржете 4 до 5 минути.

Додадете супа од зеленчук, леќа и кокосово млеко и измешајте.
Оставете да зоврие на средно-силен оган, а потоа намалете ја топлината на тивко вриење. Гответе со повремено мешање додека не омекнат тиквата и леќата.

Измешајте ја супата во блендер и загревајте додека не зоврие. Доколку е потребно, додадете повеќе вода, сол или бибер. На крајот додадете го сокот од лимета и убаво измешајте.

Послужете ја супата со потпечени семки од тиква и коцки леб.