Кристин Дејвис, ѕвездата на серијата „Сексот и градот“ (Sex and The City) се присети како била „споена“ со актерот од „Пријатели“ (Friends), Метју Пери.

„Дојдов на таа вечера, тоа беше круг луѓе од Холивуд. Не знам кој сè беше таму, освен тој адвокат и Метју“, раскажа Дејвис во нејзиниот поткаст, каде го опиша Пери како прекрасен човек, нагласувајќи дека седнал покрај неа и почнал да зборува за тоа колку е воодушевен и колку тој и неговата екипа се среќни на снимањата на „Пријатели“.

Општата среќа и ентузијазмот на Пери кон работата оставиле силен впечаток врз Дејвис.

„Си помислив: ‘Вау, тој е навистина среќен.’ Јас бев дел од ‘Мелроуз’, а таму атмосферата не беше баш најсреќна. Беше стресно. Имаше 15 главни актери. Секој имаше чувство дека може да биде исфрлен. Беше малку натпреварувачки и напнато“, изјавила актерката.

И покрај ведриот настап, пишува „Пејџ Сикс“, Пери целиот живот се бореше со зависности и злоупотреба на супстанции. Актерот почина во октомври 2023 година, на 54-годишна возраст, од акутни ефекти на кетамин. Во обдукцискиот извештај, како фактори кои придонеле за смртта, се наведени и давење, коронарна артериска болест, како и дејство на бупренорфин, опиоид.

„Не можам да ги променам луѓето!“: Кристин Дејвис за кавгата меѓу Ким Катрал и Сара Џесика Паркер