Овој пат станува збор за неговата облека за време на церемонијата на неговото крунисување во Вестминстерската опатија во Лондон на 6 мај, пишуваат британските медиуми.

Кралот Чарлс Трети сака да ја носи само својата воена униформа, а не свилените чорапи и кралските панталони кои традиционално ги носеле членовите на британското кралско семејство.

Кралот сака неговото крунисување да ја претставува „модерната монархија на 21 век“, велат извори блиски до монархот.

Каква би била традиционалната облека на Чарлс

Се очекува Чарлс да пристигне во воена униформа, веројатно онаа на адмирал на флотата, која ја носеше на отворањето на Парламентот минатиот мај.

Тој, исто така, ќе се облече во крзно од хермелин за церемонијата и ќе ги носи и царската државна круна и круната на Свети Едвард на различни точки од програмата.

На историската церемонија ќе биде крунисана и кралската сопруга Камила. Сè уште не е потврдено која круна ќе се користи за кралицата Консорт Камила.

Во исто време расте интересот за тиоа дали Хари и Меган ќе бидат на церемонијата, после објавената скандалозна книга.

Британските медиуми пренесуваат дека разоткриената двојка ќе биде во Вестминстер. Кралот и таткото на Хари сака да му го покаже на светот единството и тоа започнува прво со неговото семејство. Сепак, тоа не значи дека престолонаследникот Вилијам и неговата сопруга Кејт со нетрпение очекуваат да ја видат двојката.

Впрочем, односите меѓу двете страни поминаа низ многу турбулентен период. Откритијата на војводата и војвотката од Сасекс предизвикаа особена непријатност во Бакингем, но тие останаа смирени и не дадоа никакви јавни изјави или ставови. Како парот да не бил во нивното видно поле, ништо ниту виделе, ниту слушнале.