Кралот Чарлс е познат по своите необични навики, а кога оди на викенд посети кај пријатели, со себе носи половина од својот мебел. Се чини неверојатно, но овие детали ги презентираше авторот Том Бауер во неговата книга „Бунтовничкиот крал“.

„Кралот Чарлс го испрати својот персонал претходниот ден со камион што превезуваше мебел за да го замени совршено адаптираниот мебел во гостинските соби. И не само неколку комоди: камионот не содржеше ништо помалку од целите спални соби на Чарлс и Камила, вклучувајќи ортопедски кревет, комплетен со неговата постелнина. Неговиот персонал, исто така, се погрижи да спакува мало радио, сопствената тоалетна школка на Чарлс, ролна тоалетна хартија од посебен бренд, виски и флаширана вода (за двете спални соби), плус две слики од пејзажи од шкотските планини“, пишвуа „Хелоу“.

Се чини дека монархот е мајстор во претворањето на обичните јадења во луксузни оброци приспособени на неговиот вкус. Том Квин, во својата книга „Да госпоѓо“ – најпродавана книга за историјата на кралската служба – опишува посебен ритуал што го бара кралот кога подготвува јајца и попладневен чај.

„Тој никогаш не ги варел своите јајца ниту ги печел своите мафини. Бидејќи, како и многу луѓе, Чарлс е пребирлив во врска со тоа како се готват неговите јајца, а бидејќи јајцата се познати по тоа што тешко се подготвуваат како што треба, тој инсистира да се зготват шест јајца за да бидат барем две точно онакви какви што ги сака.“

Овој пристап би значел дека ако Чарлс ужива во јајца и мафини секој ден попладне, кралската кујна би потрошила приближно 42 јајца неделно само за да обезбеди совршено зготвени јајца за кралот. Сепак, кралското семејство  ги негираше обвинувањата за готвење повеќе јајца одеднаш.