Сопругата на шпанскиот крал присуствуваше на настанот оддржан од страна на организацијата „APRAMP“, која ги штити сексуалните работници во Шпанија, а за таа прилика се појави во многу елегантен костум во бебешко розова нијанса од модната куќа „Hugo Boss“. Станува збор за спој на панталони со рамен крој кои ја следат линијата на телото и предимензионирано сако со лажни, дворедни копчиња. Тука се вклопува и едноставната бела блуза. Кралицата оваа комбинација ја надополни со салонки на полна потпетица, а од модни додатоци одбра впечатлив златен прстен кој го носеше на показалецот.

Шпанската кралица ја носела истата модна комбинација кон крајот на 2019 година, кога присуствувала на една изложба во мадридската Кралска палата.