Реал во вториот дел успеа да им обезбеди радост на своите навивачи против турскиот гигант.

После поразите летово од Тотенхем (1:0) и Атлетико Мадрид (7:3), Реал им се врати на победите, откако со 5:3 го совладаа составот на Фенербахче.

Во првото полувреме (2:2), поведоа Турците со погодокот на Родригес, па „кралевите“ се погрижија за пресврт со двата гола на Бензема, а за нов егал на средбата стрелаше Дирар.

Бензема го комплетираше хет-трикот во 53 минута, а во 59-та израмни Туфан после асистенцијата на Потук.

Победата за „кралевите“ ја донесоа Начо во 62 минута и Мариано во 80 минута од дуелот одигран на „Алијанц“ арената. За трофејот на овој традиционален турнир од 20.30 часот ќе играат екипите на Тотенхем и Баерн Минхен.