Во Хрватска во последните 24 часа се потврдени 747 случаи на ковид-19, што е раст во споредба со претходните денови, а од последици на вирусот починаа седум лица, соопшти Националниот штаб за цивилна заштита.

Во земјата во моментот има 3.322 активни случаи на коронавирусот, меѓу кои 758 се хоспитализирани, а 68 од нив се приклучени на респиратор.

Од почетокот на пандемијата, во Хрватска се регистрирани вкупно 244.205 случаи на коронавирус, оздравеа 235.328 лица, а починаа 5.555.