Премиерот Димитар Ковачевски вели дека испратил известување до вицепремиерот за добро владеење и генералниот секретар на Владата во кое информирал дека доколку на седница на Влада се дискутира или одлучува за правни точки наведени во листот што го има доставено до ДКСК, а содржи што неговото семејство и тој поседуваат, тогаш неговото учество на седницата да се изземе, заради спречување на конфликт на интереси.

Па така, тој денеска одговарајќи на новинарско прашање појасни дека заменикот на претседателот на Владата, Артан Груби го потпишал договорот за земјиштето кое го купи неговата сопруга.

На овој одговор од премиерот реагираше опозициската ВМРО-ДПМНЕ. Тие велат дека вистинско потценување кон народот е објаснувањето на Ковачевски дека треба да му се верува дека не влијаел како премиер само затоа што му рекол на владиниот координатор за криминал Груби да го потпише земјиштето на неговата сопруга на седница на влада.

Ковачевски додаде и дека тој самиот има удел во компанија, но не учествува по точки на одлучување, за што ВМРО-ДПМНЕ му одговори дека е фатен жив како прави пари додека е премиер.

Сопругата на Димитар Ковачевски не ја вмешаа ниту ВМРО-ДПМНЕ, ниту медиумите, туку самиот Ковачевски. Факт е дека сопругата на Ковачевски влегува во бизнис од над 1 милион евра додека тој е премиер, а земјиште добива со потпис на Груби. 1.8 мегаватна фотоволтаична централа ќе гради фирмата СОЛ Груп 5 во сопственост на сопругата на Ковачевски додека тој е премиер. За таа цел добива и над 1000м2 државно земјиште со потпис на Артан Груби и Одлука на влада по цена од 70 денари за м2, додаваат од ВМРО-ДПМНЕ.