Хибридните закани и напади се малициозни обиди за внесување страв и немир кај граѓаните и поткопување на довербата и кредибилитетот во институциите. Ова денеска беше констатирано на средбата меѓу премиерот Димитар Ковачевски и заменик-помошникот генерален секретар за новите безбедносни предизвици на НАТО, Џејмс Апатураи.

На средбата присуствуваа и министерот за внатрешни работи Оливер Спасовски, министерката за одбрана Славјанка Петровска и министерот за информатичко општество и администрација Азир Алиу.

Како што информираат од Владата, присутните министри разговарале со експертскиот тим на НАТО во насока на досега преземените мерки и активности со кои е обезбедена стабилноста и безбендоста на граѓаните и поради кои заедно со безбедносните служби ја ценат состојбата во земјата како целосно стабилна.

На средбата се дискутираше и за поврзаноста на почетокот на воената агресија врз Укранина од страна на Русија и коинцидирањето на истата со интензивирањето со хибридните напади во региото и врз другите членки на НАТО. Заменик помошникот генерален секретар за нови безбедносни предизвици Апатураи, нагласи дека предизвиците со кои се соочува Северна Македонија се предизвици за НАТО членките и дека Владата на Република Северна Македонија ниту понатаму нема да се справува сама со хибридните закани, исто како што тоа не го правела ниту досега. НАТО ќе продолжи да споделува знаења и техничка поддршка за создавањето долгорочна отпорност, велат од Влада.

Ковачевски се заблагодарил за целосната поддршка од НАТО во борбата со новите безебдносни предизвици и за договорените следни чекори во зајакнување на сајбер безбедноста на дражвата.