ВИДЕО: Ковачевски доби аплауз од мнозинството, дел од пратениците на ВМРО-ДПМНЕ излегоа од салата
Обраќањето на премиерот Димитар Ковачевски на крајот беше поздравено со аплауз од пратениците од владејачкото мнозинство, односно оние 70 кои гласаа за дневниот ред, додека дел од пратениците на ВМРО-ДПМНЕ ја напуштија салата уште додека тој говореше.
Препорачано
Според неофицијалните информации, не станува збор за бојкот, туку излегле од собраниската сала затоа што имале други обврски, односно состаноци, но другите останале на расправата.
Ковачевски во обраќањето кажа дека се работи за многу важна седница на парламентот од која се пристапува кон измени и дополнување на Уставот.
– Измените на Уставот имаат јасна цел – интеграција во ЕУ. Предлогот е наш, македонски, базиран на европскиот договор од 2022 година кога државата конечно ги отвори преговорите за членство. Предлогот е пишуван во Македонија, ги отфрлам тврдењата дека станува збор за странски предлог. Целта е да не каскаме или да стоиме во место, туку да чекориме кон ЕУ за полниоправно членство до 2030 година. Предлогот е наш, поддржан од ЕУ и САД, и е за наше добро – рече меѓу другото Ковачевски.
Во Собранието почна процесот за уставните измени, не се знае како ќе заврши
