На својот врв во 1990-тите, американската ТВ серија „Baywatch“ привлекуваше околу 1,1 милијарда гледачи секоја недела, од кои многумина чекаа да ги гледаат сцените со трчање во црвен костим за капење на манекенката и актерка Памела Андерсон.

Сега познатиот црвен костим за капење на Памела Андерсон, кој стана симбол на една од најпопуларните серии од 90-тите, ќе биде дел од изложбата посветена на „векот на пливањето и стилот“ наречена „Splash! A Century of Swimming and Style“, пишува „Гардијан“.

Овој костим првично беше во сопственост на актерот Дејвид Хаселхоф пред да биде купен минатата година од германската компанија „BikiniARTMuseum“, која сега го позајми за изложбата.

Андерсон неодамна откри за „Вог“ дека сè уште чува уште една копија од оригиналниот костим во сеф дома и го носи повремено бидејќи и понатаму добро ѝ стои.

Изложбата ќе биде отворена од март до август 2025 година и ќе содржи повеќе од 200 предмети, меѓу кои и костими за капење „Спидо“ од 1980-тите, како и првиот олимписки златен медал.