Припадниците на специјалната единица на косовската полиција, кои се наоѓаа во Бањска во близина на Звечани од 24-ти септември, се повлекоа и се заменети со припадници на интервентна единица потврди заменик командантот на полицијата за северниот регион, Ветон Елшани за Косово Онлајн.

Елшани додаде дека има и пожарникари во Бањска.

Како што истакна, во областа каде што на 24 септември беше нападната косовската полиција од група од неколку десетици вооружени Срби, при што беше убиен еден косовски полицаец и тројца од напаѓачите, отсега натаму ќе има помалку полиција, а секојдневно ќе бидат присутни противпожарни единици.