На граничниот премин Богородица вчера попладне полицијата го уапсила 54-годишниот З.К. од Косово, кој не носел возачка дозвола, но се легитимирал со полициска легитимација, на т.н. „меѓународна полициска организација“.

По проверките, полицијата утврдила дека организацијата не постои и дека документот е фалсификуван.

– На 02.10.2025 во 14:45 часот на Граничен премин Богородица, на излез од државата, полициски службеници го лишија од слобода З.К.(54) од Косово. При гранични проверки и контрола, тој изјавил дека не ја носи возачката дозвола и се легитимирал со полициска легитимација на меѓународна полициска организација за која по извршени проверки е констатирано дека не постои, односно дека легитимацијата е фалсификувана.

Тој е задржан во полициската станица, со него е извршен службен разговор, а по целосно документирање на случајот ќе биде поднесена соодветна пријава.