Форматот за натпреварување на кошаркарскиот турнир на Летните Олимписки игри е променет и сега наместо по две групи со по шест репрезентации ќе има три групи со по четири селекции.

Пласман во четвртфиналето ќе обезбедат двете првопласирани репрезентации од секоја група, како и двете најдобри третопласирани селекции. на тој начин кошаркарскиот турнир во групната фаза ќе го завршат четири од вкупно 12 репрезентации кои учествуваат на ЛОИ.

Со промената на форматот, намален е бројот на натпревари на патот до златниот медал и победникот ќе одигра шест, а не наместо осум натпревари како што беше досега.

Пласман на кошаркарскиот турнир на ОИ во Токио досега обезбедија репрезентациите на САД, Франција, Шпанија, Австралија, Аргентина, Иран, Нигерија и Јапонија, а останатите четири учесници ќе бидат познати по одигрување на квалификациските турнири.

Во женска конкуренција познати се 12 репрезентации кои ќе учествуваат на Олимписките игри, тоа се Јапонија, САД, Белгија, Канада, Австралија, Франција, Порторико, Нигерија, Србија, Кина, Јужна Кореја и Шпанија.