Турскиот интернационалец во редовите на македонскиот шампион МЗТ Скопје, Рагип Берке Атар одлучи да си ја проба среќата и се пријави за претстојниот драфт во НБА лигата, пишува „Спорт1“.

Засега поради пандемијата на коронавирусот не е познат точниот датум кога ќе се одржи драфтот, но челниците на НБА лигата најавија дека тоа ќе се случи по завршување на сезоната, или кон крајот на летото доколку се прекине оваа сезона.

Младиот 20-годишен кошаркар сезонава пристигна во редовите на МЗТ Скопје од турскиот Тексут Бандрима, и во досегашните настапи за МЗТ Скопје постигнува просечно по 3.2 поени и 1.7 скокови по натпревар.