Кортни Лав и Тејлор Свифт / Фото: EPA-EFE/NINA PROMMER / EPA-EFE/ALLISON DINNER

Кортни Лав ги разбесни обожавателите на Тејлор Свифт: Таа не е важна, не е интересна како уметник!

Кортни Лав не се воздржа кога во последното интервју за „Стандард“ ја прашаа што мисли за неколку познати женски уметници, вклучувајќи ја и мегапопуларната Тејлор Свифт.

Според интервјуто Кортни „навистина ги мрази идејата и концептот на младата пејачка“.

„Тејлор не е важна“, изјавила музичарката и вдовица на Курт Кобејн за Свифт.

„Можеби е безбедно засолниште за девојките и веројатно е Мадона на денешницата, но не е интересна како уметник“, додала Кортни.

Шокантните изјави дојдоа додека ја промовираше нејзината нова серија „Жените на Кортни Лав“, во која таа размислува за различните жени во музиката кои ја обликувале нејзината кариера.

Сепак, нејзините коментари не им се допаднаа на обожавателите на Тејлор Свифт, а многумина истакнаа дека во 2021 година Кортни ѝ го честитала роденденот на Тејлор и напишала дека е „инспирација за младите жени“.

Откако „удри“ по Тејлор, Кортни не ја поштеди ни својата колешка Лана Дел Реј, за која рече дека „навистина треба да земе седум години одмор“.

„Лана не ми се допаѓа откако ја обработи песната на Џон Денвер“, искоментирала Кортни и истакнала дека до тој кавер на песната „Take Me Home Country Roads“ мислела дека е одлична пејачка.

И покрај тоа што не ѝ се допаднала музиката на Лана, Кортни призна дека морала да престане да ја слуша нејзината музика додека го снимала нејзиниот нов албум, бидејќи тоа имало „премногу влијание врз неа“, пишува „Пејџ сикс“.

Кортни, која исто така рече дека „не ѝ се допаѓа“ Мадона, ја критикуваше и Бијонсе, која неодамна стана првата црна жена на врвот на топ-листата на кантри албуми откако го објави нејзиниот нов албум „Каубој Картер“.

„Мислам, ми се допаѓа идејата Бијонсе да направи кантри албум затоа што фокусот е на црните жени кои навлегуваат во работи што претходно им беа дозволени само на белите жени. Како концепт ми се допаѓа. Едноставно не ми се допаѓа нејзината музика“, објаснила таа.

По нејзините коментари, обожавателите на сите пејачки кои Лав толку јавно ги критикуваше решија да ја повикаат вдовицата на Курт Кобејн на социјалните мрежи за „јавно омаловажување на женските уметници“ додека промовира серија која треба да зборува за важноста на жените во музиката.

„Љубоморна е, не ни знам за неа“ – напишал еден корисник на социјалните мрежи, нагласувајќи дека Тејлор е „уметник од светска класа“.

Други ја нарекоа „баба“ и коментираа дека Кортни секогаш сака да ги критикува жените кои се „помлади и поубави од неа“. Некои дури тврдат дека „за 100 години името Кортни Лав нема да значи ништо“.

Од друга страна, некои обожаватели на Бијонсе, Тејлор Свифт или некој друг уметник кој беше на мета на Кортни Лав, не се изненадени од зборовите на оваа 59-годишна музичарка бидејќи таа наводно „критикувала сè и сешто од 1992 година“.

Кон крајот на интервјуто, музичарката призна дека е „ непријатна“ и рече дека „никогаш нема да се извини за своите постапки и зборови“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот