Извршниот директор на Органзацискиот одбор, Тоширо Муто, се надева дека проблемот ќе биде решен во најкраток рок. Меѓутоа појавата на коронавирусот веќе влијаеше на неколку квалификациски турнири за пласман на Игрите да бидат преместени од Азија на друг континент.

– Сериозно сме загрижени бидејќи ширењето на вирусот може да им попречи на Игрите – изјави Муто.

Според светските медиуми јавуваат дека се инфицирани повеќе од 24.300 луѓе во Кина, а додека се починати 490 луѓе. Исто така, две лица починале од коронавирусот надвор од Кина, едното лице во Хонг Конг, а другото на Филипини.
Освен тоа потврден е случај и на десет лица кои се заразени од смртоносниот вирус на крстарење на јапонски брод.

Јапонската влада најави дека ќе направи се што е во нејзина моќ за да се влијанието на коронавирусот на Игрите во Токио кои треба да започнат на 24 јули.

– Ќе направиме се што можеме за да ги заштитиме спортистите и да им овозможиме да ги остварат своите најдобри резултати – рече Сабури Кавабучи, првиот човек на Олимпиското село во кое се очекува да бидат сместени повеќе од 11.000 спортисти.

За да не дојде несакано одложување на Игрите во Токио, медициските експерти на Меѓународниот олимписки комитет (ИОК) имаат секојдневна комуникација со Светската здравствена организација.

– Токио 2020 ќе продолжи да соработува со сите релевантни организации кои внимателно ја следат секоја појава на заразни болесни. Ќе ги разгледаме сите можи противмерки, но исто така важно е и подготовките за Игрите да продолжат според предвидениот план – објави ИОК.

Голем број на спортски настани во Кина се откажани или одложени поради коринавирусот вклучувајќи го кинеската фудбалска лига, Светското првенство во атлетика во сала, а неколку земји веќе воведоа забрана за влез на кинески спортисти како превензнија од евентуална епидемија.