При рутински преглед, член на португалскиот евровизиски тим добил позитивен тест на коронавирусот. За среќа, останатите членови на делегацијата на Португалија засега се чувствуваат добро и не покажуваат никакви симптоми, објави „Нова“.

Иако останатите членови на тимот се чувствуваат добро, во согласност со здравствениот и безбедносен протокол, сите направиле уште еден ПЦР тест и се вратиле во хотелот, каде ќе бидат во изолација седум дена.

Деталите од закрепнувањето и тестовите ќе бидат објавени на официјалната страница на Евровизија.

Според Протоколот за здравје и безбедност, кој е на сила за Избор на песна за Евровизија 2022, остатокот од делегацијата нема обврска да оди во изолација или карантин, но во согласност со италијанските закони, мора да носи ФФП2 маска, постојано, како внатре, така и надвор од објектот.