Австриската скијачка Корнелија Хитер е победник на спустот што денеска се одржа во Квитфјел, Норвешка.

Ова беше деветта победа на Хитер на Светскиот куп, но и четврти триумф во оваа дисциплина.

Како првопласирана таа имаше време од 1:31:46, што е за 15 стотинки побрзо од Германката Ема Ајхер, која го освои второто место. Третото место го освои Бриз Џонсон од САД.

Првите три скијачки во генералниот пласман и натаму се Брињоне (1.044 поени), Лара Гут-Бехрами (831) и Зринка Љутиќ (753).

За утре е закажана уште една женска трка во спуст, додека велеслаломот е закажан за в недела.