Центарот за култура – Битола ги најави првите изведувачи на јубилејното 15. издание на „Фестивалот на музика од светот“.

Станува збор за словенечката авангардана музичка група „Лајбах“, која во рамки на својата европска турнеја „Love Is Still Alive“ ќе настани и во Битола на 25 ноември годинава.

Групата, која претставува музичко крило на движењето „Нова словенечка уметност“ („Neue Slowenische Kunst“), e основана во 1980 година и во тој период често била предмет на контроверзии и забрани.

„Веќе е потпишан договор за бенд, кој на светската мапа на бендови е запишан од 80-тите години и бил предмет на контроверзии, а потоа се докажал дека се најголемите ‘индустријал’ уметници на сите времиња. Ние влегуваме во нивната есенска, светска турнеjа, и се наоѓаме на мапата на нивната турнеjа, покрај 20 други градови, покрај Лондон, Амстердам, Малме, Прага…

Станува збор за бендот ‘Лајбах’, кои ги поканивме во Битола по мои контакти и веќе е потпишан договорот за настапот во Битола, а ќе биде голем целовечерен концерт“, изјави Маја Андоновска-Илиевски, директор на Центарот за култура во Битола.