Еден од најконтроверзните фудбалски газди не само на Балканот, туку и пошироко – Џиџи Бекали, се вмеша во уште еден голем скандал. Бекали, кој е сопственик на елитниот клуб ФЦСБ и е еден од главните виновници за расколот на романските гиганти, што доведе до паралелно постоење на два тима кои се натпреваруваат за Стеауа, сега е вмешан во сексистички скандал.

Својот гнев го истури врз судијката Кристина Трандафир, која беше одговорна за ВАР системот на мечот меѓу ФЦСБ и Ботошани, кој лидерот во елитата го доби со 3:2. Играчите на Бекали и покрај победата го завршија натпреварот со двајца помалку. Двајца играчи беа исклучени по интервенцијата на ВАР, а исто така беше поништен и противнички гол благодарение на интервенцијата на Трандафир.

Gigi Becali, dono do Steaua Bucareste, atacou a árbitra Cristina Trandafir com comentários sexistas.

A árbitra esteve no VAR no encontro entre FCSB e Botosani, marcado por 3 expulsões. pic.twitter.com/K7D7pViT1D

— A Bancada (@bancadapt) February 26, 2024

Бекали по натпреварот, Бекали повика да им се забрани на жените да бидат во машкиот фудбал. Бекали упати критики кон Трандафир, задолжена за ВАР, а причината е дека таа влијаела на главниот судија Каталан Буши дури три пати да ги смени одлуките на теренот.

– Навистина ми се допаѓа судијата Буши, извонреден е. Во неговото лице се гледа дека е добар. Ќе биде одличен судија и Бог ќе му помогне. Не е тој виновен, во ред, може малку е. Виновна е жената од ВАР собата. Иако, и јас не ѝ се лутам, бидејќи ми е сестра, се причестува во црквата каде што одам и јас. Не им се лутам на луѓето со кои ја делам мојата вера, но можам да им дадам совет. Дали Бог сака да го исполни она што го бара во црквата? Предлагам да престане да ги осудува мажите. Така Господ ќе ѝ помогне во нејзините желби – започна Бекали.

Контроверзниот сопственик на клубот во минатото имал различни испади, но никогаш не паднал вака ниско..

– Главниот судија добро го водеше натпреварот, но жената од ВАР собата му предложи да го покаже црвениот картон. Дури и Буши се запраша: „Дали си луда“?“, уверува Бекали, иако медиумите од соседството демантираат и истакнуваат дека така не гласеше дијалогот на судијата.

– Жените нека им судат на жените, а мажите на мажите. Во спротивно сите ќе полудат. Како жената може да го надмине мажот кога донесува одлуки? Таа кутрата не сфаќа дека не смее да интервенира во некои ситуации. Црвениот картон на Олару требаше да биде поништен. Ако е интелигентна… Жено, што сакаш? Не сакам да ја навредам, сакам жени, својата до смрт, умирам за неа, сепак, таа нема што да бара меѓу судиите – вели Бекали.

Продолжува да зборува скандалозниот Бекали:

– Сè се распаѓа кога жената им суди на мажите“. Ако е дури и малку интелигентна, но… Знаеш, таа е жена и што друго очекуваш? Значи, ако сте жена, останете дома! Ќе видите што прави светот со родовата еднаквост. Сè ќе биде уништено, но нема да биде овде. Можеби само на одредени места, тоа се огнови од слама, ништо повеќе. Бидејќи веќе доаѓа во црвка, ако сака Господ да ѝ ги исполни желбите, следниот пат кога Кристина ќе биде делегирана да им суди на мажите, треба да каже: „Не! Јас сум жена и ја гледам својата работа“ – изјави Џиџи Бекали.