Преговорите веќе се во тек, а претседателот на Тотенхем, Даниел Леви разговарал со Конте за личните услови како и за евентуалните засилувања кои ги посакува Италијанецот.
Антонио Конте на 26. мај и официјално ја напушти клупата на Интер поради големите несогласувања со сопственикот Стивен Жанг кој сака да ги намали трошоците за наредната сезона, додека тренерот бараше засилувања за да се нападне титулата во Лигата на шампионите.

Првиот човек на Тотенхем нема проблем со тоа што Конте пред да седне на клупата на Интер го тренираше Челси и според англиските медиуми, преговорите се во напредна фаза, односно веќе се разговарало и за евентуалните засилувања кои ги посакува Италијанецот.

⚪️ #THFC Antonio Conte in advanced talks with Tottenham board about…

– Long term contract.
– Project, salary, new signings.
– Former Juventus Paratici as new director of football.
– Official bid made to Paratici but he’ll decide soon.
– Conte has never been close to join Real.

— Fabrizio Romano (@FabrizioRomano) June 2, 2021

Засега не е познато колкава би била платата на Конте, но одредени информации говорат дека тоа е проблем за постигнување на договор бидејќи Леви наводно нуди три милиони евра помалку од тоа што тренерот го бара.
Од друга страна, познатиот италијански новинар, Фабрицио Романо, тврди дека Леви не сака само еден Италијанец во Тотенхем, туку се очекува да му понуди директорска позиција на Фабио Паратичи. Наводно Леви веќе му доставил понуда на Паратичи и го чека неговиот одговор.