Контаминирани јагоди со форманат од  Албанија преку Србија завршиле во Белгија. Белгија издаде предупредување дека пронашла форманат во замрзнати јагоди, објави веб-страницата на Европскиот систем за брзо предупредување и известување за храна (RASFF). Како што е наведено, консумирањето на овие замрзнати јагоди може да претставува сериозен ризик за здравјето на луѓето.

Станува збор за инсектицид што се користи за контрола на разни инсекти и грини, главно на овошни култури.

Бранимир Јованчиќевиќ, редовен професор на Факултетот за хемија на Универзитетот во Белград вели дека, форматанат хидрохлоридот е всушност инсектицид или акарицид неизбежен во развојот на земјоделскиот производ.

„Тие се додаваат во сите фази од развојот, но со цврста индикација дека нивното разградување, што обично е процес на хидролиза, мора да биде завршено пред да се собере овошјето. Значи, можеби таков пестицид или некој друг пестицид ќе биде додаден повеќе пати за време на развојот на растението, бидејќи полуживотот на таквите пестициди е краток. Тие се мерат во денови, пет, шест или седум дена. Може да се додадат еднаш, потоа втор пат, па трет пат. Тие ќе го направат она што треба да го направат за време на нивното постоење. Значи, тие ќе ги уништат сите тие несакани паразити, но во времето на бербата, тие не смеат да бидат во самиот производ. Значи, тој период на распаѓање наречен период на повлекување мора да биде завршен“, вели тој.

Како што додава, проценува дека во овој случај овошјето било замрзнато пред да заврши процесот на хидролиза.

Професорот објаснува дека пестицидот мора да се разгради бидејќи самиот по себе е од таква структура што може да биде токсичен, може да биде канцероген, може да биде мутаген – зависи од пестицидот.