Foto: Marco Destefanis / Alamy / Alamy / Profimedia / Oli SCARFF / AFP / Profimedia

ВИДЕО | Констракта откри за кого гласаше на Евровизија: Лорин го направи натпреварот нефер

Иако заврши во саботата, за годинешниот Евросонг сѐ уште се зборува. Така медиумите во Србија сега објавија кои биле членовите на нивното жири. Станува збор за пејачката Констракта, Жика од ‘Зана’, Сара Џо, Сандра Перовиќ и Драган Ѓорѓевиќ-Сузуки.

Констракта реши да открие на кого, меѓу другите, му давала поени. Минатогодишната српска претставничка се одлучи за Словенија и Финска, пишува српски Курир.

„Словенците беа непретенциозни, симпатични. Финецот беше до некаде според мојот сензибилитет. Постои некое несовпаѓање помеѓу тоа како гласаше публиката и како гласаше жирито. Финецот, на пример, беше миленик на публиката и освои повеќе поени, сепак, жирито ја препозна песната на Лорин, како нешто, што заслужува внимание. Лично, не сум обожавател на некој кој веќе победил на Евровизија да се појави повторно таму, со оглед на тоа што на почетокот постои оваа пристрасност на публиката. Секако, тоа води кон тоа дека конкуренцијата веќе не е толку фер“, истакна Констракта.

Таа го коментираше и настапот на српскиот претставник Лук Блек.

„Бев изненадена од резултатите. Она што е одлично, е тоа што Лук се пласираше во финалето. Тоа беше и мојата цел минатата година, само да се пласираме во финалето, а потоа ќе си поминеме лесно. Можеби во некои моменти мислевме дека ќе котираме повисоко, судејќи според тоа како публиката реагираше на песната на Лук и како тој беше поддржан во таа евровизиска заедница. Иако, сѐ на сѐ, мислам дека добро се претставивме, Лука имаше многу убави интервјуа што ги правеше во меѓувреме, песната беше добра, изведбата беше добра. Задоволна сум, иако очекував дека на крајот ќе има поинаква распределба на поени, додава пејачката за српскиот Курир.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот