Откако годинава беше неизвесно и дали скопските градски власти воопшто ќе организираат дочек на новата година, денеска конечно, на пет дена до новата година, беше објавено дека прослава на плоштадот „Македонија“ ќе има и каква ќе биде програмата.

„Ќе настапат „Sarah Mace & The Girlzz“, магичната „Љубојна“, рок-групата „Ареа“ и бендот „Нокаут“. Забавата започнува во 19:30 часот“, се вели во најавата на новогодишната прослава.

Организаторот, компанијата „Спектаклум” наведува дека се пријавила и била избрана на конкурс, објавија медиумите.