Пејачката Лизо за прв пат отворено проговори за нејзината кратка употреба на лекот Оземпик на почетокот на 2023 година. Сепак, таа веднаш нагласи дека лекот не бил клучот за нејзината трансформација, туку промената на исхраната.

– Пробав сè. Оземпик делува затоа што јадете помалку, нели? Ако јадете правилно, се чувствувате сити, рече пејачката  за време на неодамнешното појавување во поткастот „Just Trish“.

Таа за прв пат отворено проговори за нејзината кратка употреба на лекот на почетокот на 2023 година. Сепак, таа веднаш нагласи дека лекот не бил клучот за нејзината трансформација, туку нејзината промена во исхраната.

– Кога бев веган, јадев многу лажно месо, леб и ориз. Морав многу да јадам за да останам сита. Внесував од 3.000 до 5.000 калории дневно – признала Лизо.

Сè се променило кога одлучила да јаде интегрална храна, вклучително и месо.

– Кога почнав да јадам  храна од животиснко потекло, говедско, пилешко, риба, се чувствував сита. Повеќе не го полнам стомакот со вештачки состојки кои не ме исполнуваат – изјавила Лизо.

Иако повеќе не користи Оземпик, не ги осудува оние што го земаат.

– Тоа не е измама. Тоа е лек кој му помага на некого да се справи со нешто што му е тешко. Работев напорно и сè правев намерно. Кога некој ми дава комплимент, велам: „Ви благодарам“. Го сфаќам искрено затоа што се обидов – објасни таа.

Интересно е што минатата година јавно ги негираше гласините за користење на Оземпик. Но, претходно оваа година гордо објави:

– Го направив тоа. Денес ја достигнав мојата цел. Не сум видела таков број од 2014 година – пренесува „24сата“.

Што е Оземпик?

Тоа е лек развиен од данската фармацевтска компанија „Ново Нордиск“ за третман на дијабетес тип 2. Главната состојка е семаглутид, кој помага во регулирањето на шеќерот во крвта, но исто така го намалува апетитот.