Последен концерт од пролетната програма на 47. Денови на македонска музика (ДММ) е настапот на камерниот ансамбл „Алтус“ со солисти под диригентската палка на францускиот диригент Паскал Галоа.

Концертот ќе биде изведен на малата сцена во НУ Филхармонија на 17 април, со почеток во 20 часот. Влезот на концертот е слободен.

На програмата се дела од македонските композитори Благој Цанев (1937-2020), Јана Андреевска (1967), Михајло Трандафиловски (1974), Панде Шахов (1973), Валентина Велковска Трајановска (1976) и Ана Пандевска (1985).

Солисти на концертот се Гонца Богоромова Краповски – сопран и Милена Дамњановиќ – сопран.

Диригент на концертот со ансамблот „Алтус“ е гостинот од Франција, Паскал Галоа, а членови на ансамблот се Елена Стојческа – флејта, Игор Иванов – кларинет, Мартин Димитров – виолина, Марко Виденовиќ – виола, Паскал Краповски – виолончело, Антоние Весковски – ударни инструменти и Маријана Николовска – пијано.

Следниот концерт на 47. ДММ е во есенската сезона, која ќе почне на 17 септември со настап на пијано дуо Јасмина Трајческа и Ловорка Немеш Дулар.