Колумбискиот сенатор Мигел Урибе (39), кандидат за претседател на земјата, останува во критична, но стабилна состојба откако беше застрелан во Богота во саботата, соопшти во вторник болницата каде што се лекува.

„Продолжуваме да преземаме неопходни мерки за намалување на последиците од повредите “, се додава во соопштението на болницата „Фондација Санта Фе“.

#Ultimahora| precandidato a la presidencia de Colombia Miguel Uribe es atacado con disparos durante un discurso que daba en la ciudad de Bogotá. pic.twitter.com/4RP3f5LQx2

— Perspectiva (@Perspectiva503) June 8, 2025

Вчера плакати со ликот на Урибе беа залепени на седиштата на сенаторите во Сенатот во Богота. Семејството на колумбискиот сенатор и претседателски кандидат нападнат на 7 јуни, Мигел Урибе Турбај, поднесе кривична пријава против Националната единица за заштита (UNP), служба при до Министерството за внатрешни работи поради несоодветна заштита на безбедноста на сенаторот во кампањата.

Мигел Урибе, кој не е официјален кандидат на неговата партија за претседателските избори во мај 2026 година, потекнува од истакнато колумбиско политичко семејство.

Тој е внук на Хулио Сезар Турбај, претседател на Колумбија од 1978 до 1982 година, и син на Дијана Турбај, новинарка која беше киднапирана од нарко-босот Пабло Ескобар и убиена во 1991 година за време на воената операција за нејзино спасување.

Застрелан кандидатот за претседател на Колумбија Мигел Урибе, во него пукало 15-годишно момче