Од националното сточарско претпријатие уверуваат дека не се очекува драстичен скок на цените на јагнешкото месо на бугарскиот пазар. Сепак, трговците се уште се воздржуваат од набавка на јагнешко месо. За велигденските празници ќе има испораки, но во повеќето продавници ќе бидат по претходно барање на купувачот, објави „24Часабг“. Иако се ближат празниците, во продавниците сè уште недостасува јагнешко месо.

„Ќе видиме дали навистина ќе има побарувачка и тоа ќе се случи само со нарачка. Засега не можеме да кажеме ништо“, коментира Љуба Борисова, консултант за продажба во Велико Трново.

За потрошувачите, факторот цена се покажува како одлучувачки.

„Поскапувањето во последните две години е двојно. Купувам околу кило – кило и пол свежи јагнешки ребра. Излегува дека за ова би требало да платам 50 лева (25 евра), вели за БТВ, Ана Минева од Велико Трново.

Од фармата на Пламен Пенев во Севлиево килограм жива тежина чини 12 лева (6 евра).

Од фарма, преку кланица, до продавница, цената обично се удвојува. И покрај тешкотиите во индустријата, од Националното здружение за одгледување овци и кози уверуваат дека нема да има поскапување на јагнешкото месо. „Од минатата година постои инструмент со државна поддршка во врска токму со овие зголемени трошоци, кои лани беа во износ од 420 милиони лева (210 милиони евра). Во дуќаните трговците веќе бележат килограм чисто месо по цена од 24-25 лева (13 евра).