Неколку писатели објавиле книга со наслов „Како да ја доживеете стотата“ во која на читателите им објаснуваат колку и како би требало да вежбаат во зависност од годините.

Накратко, успеале да докажат дека личноста која тренира редовно во текот на целиот живот ќе биде полна со здравје и ќе живее подолго од оние кои се пасивни.

Во продолжение прочитајте што треба да правите кога станува збор за вежбањето од дваесеттите до седумдесеттите години.

Дваесеттите
Во дваесеттите години вашиот организам функционира одлично дури и ако не се храните здраво. Меѓутоа, тоа во секој случај не е добро долгорочно.
Во двесеттите би требало да го осигурате темелот кога станува збор за мускулите, кои ќе ви помогнат во подоцнежните години. Авторите на споменатата книга советуваат да вежбате три до пет пати во неделата и да се фокусирате на „кревање тегови“ и вежби за сила.

Триесеттите
Во триесеттите години би требало да пробате нешто ново и да ги придвижите сите мускулни групи. Авторите советуваат да продолжете да тренирате три до пет пати неделно, но наместо вежбите за сила и кревањето тегови, фокусирајте се на трчање, пливање, јога, таи-чи, танцување, возење велосипед и истегнување.

Четириесттите
Во четириесеттите почнува бобата против таложење маснотии на стомакот и паѓање на мускулната маса. Токму поради тоа би требало да се вратите на кревањето тегови и што почеста телесна активност.

Педесеттите
Иако со педесеттите години најчесто доаѓаат и болките, не дозволувајте тоа да ве обесхрабри. Слушајте го своето тело и прилагодете го видот на тренингот. Меѓу најпосакуваните се пливање, јога и пилатес.

Шеесеттите
Време е да докажете дека годините се само бројка. Затоа со полна пареа вратете се во салата и кревајте тегови, танцувајте зумба или запишете се на аеробик во вода.

Седумдесеттите
Тешкото вежбање престанува, но вие и понатаму треба да останете активни. Кревајте ги рацете и нозете со еластичен ластик, а истегнувањето ќе ве одржи витални и ќе ги намали болките кои се создаваат во пасивните организми.