Колку деловните објекти во Тетово ги запазуваат стандардите за безбедност при работа?, градоначалникот Касами најави инспекциски контроли
Пожарот во продажниот салон и магацинот на фирмата „Евроком“ во тетовско Фалише кој избувна пред два дена е целосно локализиран и ликвидиран, но од објектот се уште излегува чад.
Препорачано
Од дворот на објектот се изнесува изгорениот материјал, а се работи за над 15 тони бои и лакови и други хемикали.
Пламените јазици целосно го проголтаа објектот, а простор за интервенции за спас на фирмата немаше, велат од Територијалната протипожарна единица Тетово. Оттаму дополнуваат дека пожарите во зимскиот период во ваквите објекти зачестија, а катастрофите се големи оти голем дел од нив не ги запазуваат стадардите за безбедност при работа.Немаат ниту противпожарни апарати ниту хидранти.
Градоначалникот на Тетово Билал Касами вели дека пожарите во затворените објекти стануваат голем проблем во Тетово. Материјалните штети како што рече се големи, но штетата по здравјето на човекот уште поголемо, ако се земе предвид каков воздух дишат тетовци додека траат пожарите, но и после тоа.
Ќе треба да се направи една сериозна студија за сите капацитети дали имаат хидранти, односно дали ги исполнуваат стандардите за безбедност, дополни Касами.
„Разговаравме да се координираме и со другите надлежни институции во делот на обврските при давање на дозвола за градба.Ние како општина даваме дозвола согласно согласностите кои ги добиваме од другите институции кои се надлежни во делот на безбедноста на градбите. Но изгледа во случајот тие не се почитуваат, како се даваат тие дозволи треба да се провери. Исто така ние како општина ќе ги преземе сите наши надлежности што ги имаме, за да провериме во сите индустриски капацитети и јавни објекти кои имаат ризик за пожар со вакви размери, да видиме дали ги исполнуваат условите“, рече градоначалникот на Тетово Билал Касами.
Проценките на ТППЕ-Тетово се дека продажниот салон и магацин во тетовско Фалише ќе чади и во текот на денешниот ден.Центарот за јавно здравје пак веќе има земено мостри за испитување на исправноста на водата за пиење.
