Коко Гоф од САД потврди дека е во одлична натпреварувачка форма, откако во полуфиналето ја совлада моментно најдобрата тенисерка на светот Ига Швјонтек, во мечот за титулата на Мастерс турнирот во Синсинати триумфираше над Каролина Мухова од Чешка со 2:0 во сетови.

Во меч кој траеше скоро два часа, Гоф го освои првиот сет со 6:3, а вториот со 6:4. Седмата носителка на турнирот беше поагресивна и поконцентрирана во финалниот дуел и ги искористи шансите што ги доби.

Првиот таков го имаше на стартот кога водеше со 2:0, но го испушти својот сервис веќе во следниот гем. Но, до крајот на првиот сет уште двапати го одзеде сервисот на Чехинката и поведе со 6:3.

Гоф во вториот сет спаси две брејк топки, а потоа ѝ го зададе последниот удар, двапати и го одзеде сервисот на противничката и го отвори патот до триумфот.

За Коко Гоф ова е петта титула во нејзината кариера и одлична увертира пред настапот на „УС Опен“ кој ќе се одржи од 28 август до 10 септември.