Илон Маск ја напушта функцијата извршен директор на „Твитер“ во рацете на Линда Јакарино, досегшната шефица за маркетинг на медиумскиот конгломерат „Ен-би-си“, пренесува „Волстрит журнал“.

62-годишната Јакарино е ветеранка од индустријата за телевизиско рекламирање, откако голем дел од својата кариера поминала во телевизиските операции на „ВарнерМедиа“, пред да му се приклучи на „Ен-би-си“ минатата деценија. Таа е позната по нејзината вклученост во изнаоѓањето начини за мерење на ефективноста на рекламирањето. Родена е во Њујорк во 1962 година, во семејство со италијански корени.

Маск веќе нема да го води Твитер, на директорската позиција ќе го наследи жена

Маск и Јакарино заеднички се појавуваа на разни настани во технолошката индустрија, а таа во неколку наврати јавно го фалеше јужноафриканскиот милијардер.

Покрај тоа, компанијата што ја поседува Јакарино, „НБЦУ“, работи на различни нивоа со „Твитер“.

Која е Линда Јакарино

Џакарино е во „Ен-би-си јуниверсал“ од 2011 година. Нејзината сегашна улога е опишана како претседател на глобално рекламирање и партнерство. Таа е позната и по нејзината улога во развојот на услугата за стриминг на „Ен-Би-Си Пикок“.

Таа дипломирала на Универзитетот Пен Стејт со диплома за либерални уметности и телекомуникации. Според извештајот на агенцијата „Бизнис инсајдер“, Јакарино во минатото наводно им рекла на пријателите дека сака да стане извршен директор на „Твитер“.

Глобалниот тим на Јакарино од 2.000 членови ги поврзувал новите и етаблирани брендови. Откако ја презеде „НБЦУ“ (2011), нејзиниот тим постигна повеќе од 100 милијарди долари во рекламна продажба, го прошири опсегот на компанијата на глобално ниво, влезе во револуционерни комерцијални партнерства, го лансираше стриминг сервисот поддржан од реклами и направи огромни инвестиции во податоци и технолошки способности.

Блускај: Новиот социјален медиум кој го заменува Твитер