Третата сезона на популарната серија „Белиот лотос“ донесе неколку нови ликови. Меѓу многуте познати (и помалку познати) имиња е К-поп ѕвездата Лалиса Манобал, која ја глуми Мук, менторка за здравје во луксузното одморалиште.

Лалиса Манобал за својот лик рече дека „сака да флертува и е поженствена“, што е контраст со нејзината вистинска личност.

Зборувајќи за „Elle“, таа го нарече режисерот и креатор на серијата Мајк Вајт „генијалец“ и откри дека „заплакала“ откако дознала дека ѝ е доделена улогата на Мук. Нејзината изведба наиде на бројни комплименти.

 

View this post on Instagram

 

A post shared by LISA (@lalalalisa_m)

Лиза е раперка и пејачка во јужнокорејската К-поп група „Блекпинк“, исклучително популарна во Азија. Вајт наводно неволно решил да ја ангажира за неговата наградувана серија. Тој изјави дека Лиза е „како Тејлор Свифт и принцезата Дијана да се спојат во една личност“ и се плашел дека нејзиното присуство може да ја засени самата серија.

Таа е родена на Тајланд во 1997 година, а името го променила во Лалиса по совет од гатачка, што во превод значи „онаа која ја фалат“.

По улогата во „Белиот лотос“, Лиза се врти кон Холивуд. Во интервју за „Variety“, таа рече дека би сакала еден ден да глуми „опасна хероина во акционен филм“. Истата година кога дебитираше како актерка, го издаде и првиот соло албум „Alter Ego“ и најави светска турнеја.

Нејзиното момче е член на едно од највлијателните и најбогатите семејства во светот. Станува збор за францускиот милијардер Фредерик Арно, син на Бернар Арно, шеф на луксузниот конгломерат „LVMH“. Заедно го истражуваат Тајланд, одат на вечери и патуваат низ Европа.

 

View this post on Instagram

 

A post shared by LISA (@lalalalisa_m)